طبية

عادة مص الاصابع عند الأطفال

عادة مص الاصابع

عادة مص الاصابع عند الأطفال

عادة مص الاصابع عند الأطفال

عاده طبيعية تبدأ عادة في الشهور الاولي من عمر الطفل وأحيانا كمان والطفل لسه جنين في بطن امه، تبدأ تقل تدريجيا من بعد الشهر السادس من عمر الطفل لحد تقريبا من 2 الي 4 سنين بعدها الطفل بيبطلها لوحده في اغلب الحالات .
بعد ال4 سنين والطفل لسه مابطلش العاده دي.. يبقي لازم نشوف الاسباب ونحاول نحلها:

أسباب عادة مص الإصبع:

اغلب الاسباب بيكون نفسي نتيجة توتر، ضيق، جوع، لفت انتباهكم لعدم الاهتمام بيه… 

• طفل قلق أو سريع الغضب بسبب ظروف اجتماعية معينة.

• فصل الطفل عن أمه خلال الأشهر الستة الأولى رغم وجود تغذية كافية.

• ولادة طفل جديد وانتقال الاهتمام إليه.

• عدم كفاية حليب الأم وعدم الاستعانة بحليب صناعي وشعور الطفل بالجوع.

• دخول الطفل إلى المدرسة ومقابلة مجتمع جديد.

• موقف الأهل غير المتفهم لطبيعة العادة وأساليبهم في كبحها (السخرية، الزجر، ربط الإصبع، التخويف، الضرب)

• قد تبدأ مع بزوغ الأسنان كمساعدة في تدليك اللثة ثم تتوقف بعد تمام البزوغ.

• إن الأطفال الذين يفطمون في وقت متأخر عن الثدي تكون قابليتهم لعادة المص أقل من الأطفال الذين فطموا في وقت مبكر.

المشاكل الناتجة عنها:

مشاكلها كتير ولكن اهم شئ انها ممكن تأثر علي الاسنان وتعمل تشوهات فيها (((تشوهات فكية، تشمل: • بروز القواطع العلوية للأمام (فك علوي بارز) • تراجع القواطع السفلية للخلف (فك سفلي متراجع) • تضيق في الفك العلوي، وتسطح في الفك السفلي • تطورعضة معكوسة • وبروز الشفتين للخارج • شفة علوية قصيرة )))، كذلك ممكن تأثر علي الكلام ومخارج الحروف.

كيف أمنع رضيعي أو طفلي من هذه العادة؟

اساعد ابني يبطل مص صباعه ازاي ؟!

* اهم حاجة في الموضوع ده ان الطفل نفسه يبقى متعاون و متشجع انه يبطل .. مينفعش مع الموضوع ده اي ضرب او عقاب .. كل اللي هيحصل مع التخويف .. ان الطفل هيدور على مكان يستخبى فيه عشان يحط صباعه براحته بعيد عنكم …

لازم تعرفى ان مص الصباع بالنسبة للطفل زي ادمان اكله معينة بالنسبة ليكي .. مفتكرش ان حضرتك هتبطلي الاكله دي لما حد يقولك لو مبطلتيش هضربك ! ضيفي على كده ان الطفل اساسا بيعمل الموضوع ده لا اراديا في معظم الاحوال !

* لما نبتدي نبقى عارفين ان الموضوع ممكن يقعد لحد ٣ شهور او أكتر من وقت بدايتنا لحد ما الطفل ينجح انه يتخلص من العادة دي .. مفيش يأس .. ومنبطلش في النص عشان منبتديش من الأول ،،

* قبل ما نبتدي لازم يكون في ايدنا وسيلة تشجيع ناجحة .. من احسن الحاجات اللي بتجيب نتايج هو ((جدول النجوم)) star chart .. 
هنعمل جدول بعدد ايام الشهر .. اليوم اللي مش هيحط فيه صباعه هيتحط فيه نجمة .. هنتفق مع الطفل على عدد من النجوم لما يوصلها تتبدل بهدية او مكافئة .. هنبتدي بعدد قليل و نزود بالتدريج

* مص الصوابع بيكون متعلق في كتير من الاحيان بظروف و ملابسات معينة لازم ناخد بالنا منها ،، كتير من الأطفال مثلا بيمصوا صوابعهم و هما بيتفرجوا على التلفزيون أو الكمبيوتر.. يبقى الحل هنا ان احنا نقلل وقت الفرجة .. لو بيعملها لما يبقى فيه زعيق و خناق في البيت .. يبقى بلاش خناق قدامه ..لو بيعملها علشان جعان يبقي ناكله… لو عايز يلفت انتباهنا يبقي نهتم بيه اكتر… وهكذا… تمام ؟

*بلاش لما الطفل يحط صباعه في بقه تحاولى تشيليه انتى بالعافيه، يكفي لفت انتباهه بلطف وابتسامه خفيفة تحسسه ان ده مرفوض ……الضرب والزعيق ممنوع

*يمكن استخدام وسيله لشغل اصابع الطفل وفمه زي استخدام القلم والكتابة وقت ما الطفل يعمل كده.. او استخدام اللبان لشغل فم الطفل.

*بعض الاطفال بتزيد عندهم العادة دي لما نفضل مركزين معاهم اغلب الوقت ودايما نكلمهم في الموضوع ده… في الحالة دي التجاهل هو الحل، يعني لما يعمل كده نعمل نفسنا مش واخدين بالنا

لو الطفل بيعملها وهو نايم اوعي تصحيه علشان تشيلي صباعة من بقه

و اخيرا نبعد اطفالنا عن اي توتر او زعيق او خناق .. نتكلم و نلعب معاهم

العلاج

👈🏿👈🏿 ال ٣ وسائل اللي ممكن تساعدنا في الموضوع ده:

1. دهانات الصوابع ( زي ماڤالا طلاء للاظافر فيه نوع منهم مخصوص لمنع مص الأصابع): موجودة في الصيدليات ودي بتبقى دهانات طعمها مر وظيفتها الأساسية تفكر الطفل ان مش المفروض يمص صباعه .. بتجيب نتيجة كويسة بس مع الطفل اللي عايز يبطل .. لأن للأسف اطفال كتير بتعرف تمسحها او بتتعود على طعمها ..

2. جوانتيات الصوابع … بتستعمل لما تفشل الدهانات .. و نتايجها احسن بس برضو في اطفال بيمصوا عليها او بيعرفوا يشيلوها

3. جهاز الفم : اذا الوسيلتين اللي فوق منفعوش .. و الطفل اسنانه و الفك بتاعه ابتدوا يتأثروا و الموضوع بقى عامل ازمة للطفل .. في الحالة دي لازم نستشير دكتور الأسنان لأن الحل ساعتها ان احنا نركب جهاز الفم .. 
ده جهاز بيركب داخل الفم و مش بيبان من بره .. مش بيعوق لا اكل ولا شرب و لا كلام .. بيجعل عملية المص مستحيلة تقنيا .. فالطفل هيبطل غصب عنه .. الجهاز ده ساعتها بيكون الحل الأمثل و مفيش منه قلق و بيتشال بعد كده لما الطفل يتخلص من العادة دي .. لو طفلك محتاجه يركبه و بلاش تردد .. احسن من انه يركب جهاز تقويم لما يكبر ..

 

الوسوم
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock